Муҳтарам металлургҳо!

Бо истифода аз фурсати муносиб Шуморо ба Рӯзи касбиатон табрику муборакбод намуда, ба ҳар яки Шумо тансиҳативу хотирҷамъӣ ва бурдбориҳоро дар фаъолияти ҳамарӯза таманно дорам.

Лозим ба қайд аст, ки баъди ба даст овардани Истиқлолияти давлатӣ ва Ваҳдатӣ миллӣ, ки муқаддастарин дастовардҳо барои тоҷикистониён маҳсуб меёбад рушди тамоми соҳаҳо, бахусус соҳаи саноати металлургия дар кишварамон таъмин гардида истодааст ва имрӯзҳо фаъолият намудани даҳҳо корхонаҳои азими саноатӣ ва якчанд корхонаҳои металлургӣ аз он дастовардҳо дарак медиҳад. Давоми солҳои охир бо ташаббуси Ҳукумати Ҷумҳурии Тоҷикистон ва ҷалби сармояи дохилию хориҷӣ дар мамлакат рушди соҳаи саноати металлургӣ таъмин гардида, корхонаҳои нав ба кор дароварда шуд, ки дар ин замина истихроҷ ва коркарди маъдан то ба ҳадди ниҳоӣ расид ва ин иқдом дар рушди иқтисоди миллӣ ва таъсиси ҳазорҳо ҷойҳои нави корӣ натиҷаи дилхоҳ ба бор овард. Хусусан дар шаҳру ноҳияҳои вилояти Суғд ин раванд вусъати бештар пайдо кардааст.

Мақомоти иҷроияи ҳокимияти давлатии шаҳри Истиқлол давоми нимсолаи аввали соли 2018 дар ҷодаи амалӣ намудани дастуру супоришҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри баланд бардоштани самти иқтисодиву иҷтимоии тамоми соҳоти мухталифи хоҷагии халқи шаҳр, сатҳи зиндагии сокинон ва ҷиҳати идома додани корҳои созандагиву бунёдкорӣ кӯшиш намуда истодааст.

Ҳамзамон баъди аз ҷониби Пешвои миллат муҳтарам Эмомалӣ Раҳмон эълон гардидани Соли 2018- “Соли рушди сайёҳӣ ва ҳунарҳои мардумӣ” мақомоти иҷроияи ҳокимияти давлатии шаҳри Истиқлол ҷиҳати тарғиби касбу ҳунаромӯзӣ, ҷалби ҷавонон ва махсусан бонувони хонашин ба омӯзиши ҳунарҳои мардумӣ ва барои дастгирии табақаи ҳунарманди ҷомеа кӯшиш ба харҷ намуда истодааст.

Бегоҳи 10-уми июли соли равон дар истироҳатгоҳи “Уқобак”-и шаҳр маросими кушодашавии истироҳати тобистонаи наврасони шаҳр ташкил ва гузаронида шуд, ки зиёда аз 30 нафар наврасон ширкат варзида, барномаи фарҳангии хешро пешкаши иштирокчиёни чорабинӣ гардониданд. Ҳамзамон аз ҷониби ҳунармандони шаҳр низ барномаи консертӣ пешкаши иштирокчиёни чорабинӣ гардонида шуд. Дар ин чорабинӣ ҳамчунин намояндагони мақомоти иҷроияи ҳокимияти давлатии шаҳр ширкат намуда, масъулини ин мавзеъро барои ташкили истироҳати хуби наврасон даъват карданд. Хурсандии наврасон ҳадду канор надошт.