Бахшида ба Рӯзи Модар субҳи 7-уми март мулоқоти раиси шаҳр Худойназар Амонзода бо 15 нафар бонувони собиқадор, ки солҳои тулонӣ дар соҳаҳои гуногуни хоҷагии халқи шаҳр фаъолият намудаан ташкил ва гузаронида шуд.

Дар мулоқот раиси шаҳр доир ба таваҷҷуҳи Пешвои миллат муҳтарам Эмомалӣ Раҳмон ҷиҳати баланд бардоштани мақоми зан-модар суханронӣ намуданд. Ҳамзамон оид ба саҳми бонувон дар ҳаёти сиёсиву ҷамъиятии шаҳр андешаронӣ намуда, изҳори қаноатмандии хешро аз кору пайкори бонувони фаъоли шаҳр баён намуданд.

Дар охири мулоқот аз ҷониби бонувон низ изҳори миннатдорӣ ба Пешвои миллат муҳтарам Эмомалӣ Раҳмон барои дастгирии самти кор бо занон ва оила баён карда шуда қайд гардид, ки оянда низ барои ободиву созандагӣ дар шаҳр саҳми худро хоҳанд гузошт.

Чун рамзи муҳаббат ба зан-модар ва бахшида ба Рӯзи модарон ба ин бонувон-собиқадорон туҳфаҳои хотиравӣ аз ҷониби раиси шаҳр тақдим карда шуд.

Ҳамзамон дар золи Қасри фарҳанги шаҳр чорабинии тантанавӣ бахшида ба Рӯзи Модар ташкил ва гузаронида шуд.

Сараввал Раиси шаҳр аз растаҳои муассисаҳои таълимӣ, ки бахшида ба “Соли рушди сайёҳӣ ва ҳунарҳои мардумӣ” дар даромадгоҳи золи Қаср омода карда шуда буд дидан намуданд.

раиси шаҳри Истиқлол Худойназар Амонзода табрики хешро ба Рӯзи Модар қироат намуданд. Сипас ба 10 нафар занони фаъоли корхонаву муассиса ва ташкилотҳо Сипоснома ва туҳфаҳои хотиравӣ аз ҷониби раиси шаҳр тақдим карда шуд.

Барномаи театркунонидашуда ва чорабинии консертӣ барои болидахотирии бонувон аз ҷониби ҳунармандони Қасри фарҳанги шаҳр пешкаш гашт.

Баъди анҷоми чорабинӣ ба 200 нафар занон аз корхонаву муассисаҳо туҳфаҳо аз номи мақомоти иҷроияи ҳокимияти давлатии шаҳр дастрас гардид.

Чорабиниҳо бахшида ба Рӯзи Модар дар сатҳи баланди сиёсӣ ва маънавӣ ташкил шуд.