Печать

ИЗҲОРОТ аз рӯи натиҷаи Ҷаласаи хадамоти махсуси Эрон, Қазоқистон, Чин, Покистон, Русия, Тоҷикистон ва Узбекистон

(0 votes, average 0 out of 5)

ДУШАНБЕ, 20.10.2021. /АМИТ «Ховар»/. 20 октябри соли равон дар шаҳри Душанбе Ҷаласаи хадамоти махсуси Эрон, Қазоқистон, Чин, Покистон, Русия, Тоҷикистон ва Узбекистон баргузор шуд.

Ҷонибҳо вазъи мураккаби Афғонистонро, ки онҷо амалҳои террористӣ ва дигар амалҳои хушунатомез идома доранд ва боиси қурбонии зиёди одамон мешаванд, зикр намуданд.

Дар робита ба мураккабии равандҳои дар кишвар рухдода, тамоюли ҷалби намояндагони ҷавонони миллатҳои гуногун ба созмонҳои байналмилалии террористӣ ба назар мерасад.

Созмонҳои байналмилалии террористӣ барои мавҷудияти давлатдорӣ дар Афғонистон хатар эҷод мекунанд.

Иштирокдорони Ҷаласа аҳамият ва зарурати ташкили ҳукумати фарогирро бо назардошти манфиатҳои ҳамаи гурӯҳҳои этникӣ, иҷтимоӣ ва конфессионалӣ зикр мекунанд.

Бо мақсади ба эътидол даровардани вазъияти Афғонистон имконияти ташкилоти байналмилалие, ки иштирокчиёни ҷаласа узви онҳо мебошанд, истифода бурда шавад.

Иштирокдорони Ҷаласа аз созмонҳои байналмилалӣ ва давлатҳои манфиатдор даъват мекунанд, ки дар ҳалли мушкилоти Афғонистон равиши ягона таҳия кунанд, кӯшишҳоеро, ки баҳри барқарорсозии тартиботи ҳуқуқӣ дар ин кишвар, таъсиси ҳукумати фарогир, пешгирии шиддати минбаъдаи хушунат ва муборизаи якҷоя бар зидди терроризми байналмилалӣ равона гардидаанд, дастгирӣ намоянд.

Share