Ҳамасола дар арафаи таҷлили ҷашни Наврӯз дар саросари кишварамон, яъне 20-уми март Рӯзи зиёиёни эҷодкор таҷлил карда мешавад. Вобаста ба ин, бори дигар фарорасии Наврӯзи хуҷастапай ва Рӯзи зиёиёни эҷодкорро ба шумо аҳли маърифат ва посдорандагони анъанаҳои неки ниёгон табрику муборакбод намуда, бароятон тани сиҳату хотири осуда, хонаи обод ва илҳоми тозаи фаъолият дар самти баланд бардоштани маънавияти ҷомеаро орзу менамоям.

Бо мақсади тарғиби тарзи ҳаёти солим дар ҷомеа ва бахшида ба ҷашни байналмилалии Наврӯз рӯзи 17-уми марти соли равон дар назди бинои бозрасии давлатии автомобилии шаҳр чорабинии “Дави наврӯзӣ” ва мерафони вилосипедронӣ ташкил ва гузаронида шуд.

Дар чорабинӣ зиёда аз 1000 нафар сокинон-кормандони корхонаву муассиса ва ташкилотҳо, хонандагони муассисаҳои таълимӣ ва варзишгарон ширкат намуданд.

Бахши кор бо ҷавонон ва варзиш

Имрӯзҳо таҳти сиёсати дурандешонаи Пешвои миллат муҳтарам Эмомалӣ Раҳмон муноси- бати сиёсиву иҷтимоӣ ва иқтисодӣ бо кишварҳои олам рушд ёфта истодаааст ва мисоли равшани он миёни Тоҷикистону Ӯзбекистон ҳувайдост.

Робитаи адабии миллатҳои тоҷику ӯзбек низ решаҳои қадимӣ доранд. Аз асри 15 сар карда адабиёти ин ду миллат ба якдигар таъсири хуб расонидааст ва то ҳатто шуарову аҳли адаб бо забони якдигар эҷод мекарданд, зеро мавзеи иқомати ин ду миллат ва расму оинҳо дар ҳамзистӣ буд. Ва осори аҳли адаб бо забонҳои якдигар тарҷума мешуд ё навишта мешуд.