Ҳамшаҳриёни азиз!

Модарону хоҳарони арҷманд!

Дар оғози фасли баҳор фаро расидани Рӯзи Модар, ки ҷашни барои ҳамаи мо бисёр азиз аст, ба кулли сокинони шаҳр, бахусус модарону бонувон самимона табрик гуфта, ба ҳар яки шумо саломативу хушбахтӣ ва хонаободиву сарбаландӣ орзу менамоям.

Дар ситоиши зан-модар то имрӯз ҳазорон асари саршор аз меҳру муҳаббат эҷод гардида, симои зан ҳанӯз дар аввалин китобҳои мардуми кӯҳанбунёди мо ҳамчун фарди зебову зебоипараст, донишманду фарҳангдӯст, ватандору ватанпараст, ҳунарманд ва алалхусус тарбиятгар тасвир ёфтааст.

Гузашта аз ин, зан-модар мураббии аҳли башар ва нахустустоди инсон мебошад. Пос доштани иззату эҳтироми модар ва арҷ гузоштан ба мақому манзалати ӯ қарзи муқаддаси ҳар як инсон буда, подоши заҳмату бедорхобиҳои модар фақат рафтори шоиста ва фазилатҳои неки ҳар фарди солимфикр ва бонангу номус аст. Маҳз модар метавонад аз овони тифлӣ наҷибтарин хислатҳои инсониро дар замири фарзандаш бипарварад.

Чанд назаре аз бонувони шаҳри Истиқлол бахшида ба Рӯзи Модар

Комилзода Нуринисо Раҷабӣ-муовини раиси шаҳр

- Боиси ифтихори мо бонувон аст, ки таваҷҷуҳи бевоситаи Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон дар самти дастгирӣ, тарбия ва ҷобаҷогузории кадрҳо аз ҳисоби занон сол аз сол меафзояд ва имрӯз занон дар пешрафти хоҷагии халқ чун мардони ҷасур саҳми беандоза доранд. Шахсан ман ҳамчун зан-модар имрӯз дар симои бонувони кишвар ҷасорату мардонагӣ, меҳанпарастиву зебоипарастиро афзун дида, дар эҳё намудани суннатҳои волои ниёгонамон чеҳраҳои бонувонро назаррас мебинам, ки ин боиси шукргузорӣ аз оромӣ ва осудагӣ дар кишвари азизамон Тоҷикистон аст.

Мувофиқи тафаккур ва таълимоти гурўҳҳои ифротии динии имрўза, ягон давлати мусулмоннишин набояд ҳамчун давлати мустақил вуҷуд дошта бошад. Тибқи назари онҳо, бояд ҳамаи ин давлатҳо маҷбуран ишғол шуда, ба таркиби “хилофати ягонаи исломӣ” дохил карда шуда, ҳамчун як ноҳияи “хилофат” бе чуну чаро ба халифаи ягонаи онҳо итоат кунанд. Ҳамин тавр, ифротгароён ҳеҷ гуна давлати мустақил ва истиқлолияти давлатҳои мусулмониро эътироф накарда, ҳамаи онҳоро дар таркиби “хилофат”-и худ маҳв менамоянд.

Масалан ТЭТ ҲНИ, ки имрўз номи худро тағйир дода, ба ин васила мехоҳад одамонро гумроҳ созад, ашаддитарин ташкилоти экстремистӣ террористӣ аст, ки мехоҳад, Тоҷикистонро ба вартаи ҳалокат афканад.