Омодагӣ ба тирамоҳу зимистон
Санаи 18-уми майи соли равон дар толори мақомоти иҷроияи ҳокимияти давлатии шаҳр бо иштироки муовини раиси шаҳр Н.Комилзода ҷаласаи навбатӣ оиди омодагӣ ба фасли тирамоҳу зимистони солҳои 2018-19 дар шаҳр ташкил ва гузаронида шуд.
Рафти суханронии хеш Комилзода Н. аз роҳбарони корхонаву муассисаҳои шаҳр доир ба тайёриҳо ба зимистони оянда бозпурсӣ намуда, таъкид намуданд, ки бояд муассисаҳои то фарорасии тирамоҳ ба зимистонгузаронӣ омода карда шаванд.
Варзиш гарави саломатист
Бахшида ба Рӯзи ҷавонони Тоҷикистон бо мақсади солимгардонии ҷомеа ва тарғиби тарзи ҳаёти солим санаи 20-уми майи соли 2018 назди Нишони давлатии шаҳр чорабинии варзишии Дави миллӣ ташкил ва гузаронида шуд, ки дар он раиси шаҳр Худойназар Амонзода, роҳба-рият ва кормандони корхонаву ташкилот ва муассисаҳо, ҷаво-нон ва наврасон фаъолона ширкат карданд.
Дар чорабинӣ зиёда аз 2000 нафар шаҳрвандон ширкат доштанд. Чорабинӣ аз рӯи давидан ба масоҳати 3км, 5км ва 10км байни сокинони синну соли гуногуни шаҳр ташкил гардид. Иштирокчиёни Дави миллиро машинаҳои ёрии таъҷилӣ ва бозрасии давлатии автомобилӣ ҳамроҳӣ мекарданд.
Бо боварии том гуфта метавон, ки ҷавонону наврасони шаҳр ба варзиш шавқи беандоза доранд.
Мухбири “НИ”
Таҷлили Рӯзи оила дар шаҳр
Оила дар ҳама давру замон муқаддас ва рукни ибтидоиву асосии давлат ҳисобида мешавад. Ба хотири тарғибу ташвиқи тарзи ҳаёти солим, пойдории оилаи хушбахт, маърифати одоби оиладорӣ ва фарҳанги рӯзгордорӣ бахшида ба Рӯзи байналмиллалии оила санаи 16-уми майи соли равон дар толори Қасри фарҳанги шаҳр Маҳфили “Пайванди наслҳо” бо иштироки 5 оилаҳои намунавии шаҳр оилаҳои Ниёзовҳо, Мамарасуловҳо, Юсуповҳо, Усмоновҳо ва Муҳамадиевҳо баргузор гардид. Қобили зикр аст, ки оилаи Ниёзовҳо Ниёзов Нодирмат ва Ниёзова Хурматой бо ҳам зиндагонии якҷояи шастсола дошта, соҳиби 9 фарзанд ва 31 набераю 37 абера мебошанд. баргузор гардид. Сараввал, муовини якуми Раиси шаҳр Шарифзода А. иштирокчиёни чорабиниро бо Рӯзи оила табрику таҳният намуда, қайд намуд, ки ободию маърифат ва фарҳангу ахлоқи ҳар ҷомеа, аз ободию дониш ва маданияти мардуми он, пеш аз ҳама аз оила сарчашма мегирад.
