Пас аз ташкил намудани ҷамъияте бо ном «Паймони миллӣ» ва шикаст хурдану ноил нагардидан ба мақсадҳои нопоки худ, боз Кабирии девсиришт бо ҳаммаслакони худ нақшаи найрангонаи наве таҳррезӣ намудааст. Яъне санаи 10 декабри соли 2018, ки башарият рӯзи эълон гардидани «Эъломияи ҳуқуқи башар»-ро таҷлил менамоянд дар назди сафорати Тоҷикистон дар Олмон гирдиҳамоӣ мехоҳад ташкил намояд.

Мардуми Тоҷикистон ёд доранд ва ҳаргиз фаромӯш нахоҳанд кард саргузаште, ки солҳои 1990-1992 аз сар гузаронидаанд ва нафарони майдоннишинҳои он замонро ҳаргиз намебахшанд, зеро чунин ашхосе ба мисли Кабирӣ ва дигар ҳамҳизбу ҳамақидаҳояш он вақтҳо миллати тоҷикро қариб аз байн мебурданд.

Бахшида ба Рӯзи Парчами давлатии Ҷумҳурии Тоҷикистон дар маҷмааи варзишии шаҳр аз санаи 19-уми ноябри соли равон то санаи 27-уми моҳи ноябри соли равон байни дастаҳои корхонаву ташкилот ва кумитаи маҳаллаҳои шаҳр мусобиқаи футбол ташкил ва гузаронида шуд.

Дар мусобиқаи мазкур 5 даста иштирок намуда, дар натиҷа ҷойи якум аз они дастаи «Спартак»-и МДМБ, ҷойи дуюм насиби «Истиқлол»-и маҳаллаи якум ва ҷойи сеюм ба дастаи «Айнӣ»-и маҳаллаи Айнӣ дода шуд.

Фасли зимистон гарчанде яке аз фаслҳои зебои сол бошад ҳам ба худ қоидаҳои махсусро дорад. Хусусиятҳои асосии зимистон ин боридани барф, яхбандӣ ва сардии ҳаво мебошанд. Аз ин ҷост, ки ҳангоми боридани барф дар доманакўҳҳо хавфи фаромадани тарма ба миён омада, ҳаракат дар роҳҳои мошингард мураккаб мегардад. Мутаасифона аҳолӣ нисбати оқибатҳои даҳшатноки ин фасл беаҳамиятӣ зоҳир намуда, қоидаҳои оддитарини бехатарии худ ва дигаронро риоя намекунанд. Роҳҳои кўҳӣ, ки айни ҳол барфпўш ва душворгузар мебошанд, аз ронандагон эҳтиёткориро тақозо менамоянд. Чунин як ҳолати ногувор, ки дар шоҳроҳи Душанбе Хуҷанд бо мусибати калон анҷом ёфт, ба ронандагон як ҳушдорест барои эҳтиёткорӣ. Инчунин аз ҳодисаҳое, ки соли гузашта бо ҳалокати одамон анҷом ёфтанд, ҳар як ронандаро водор месозад то хулосаҳои зарурӣ бароранд. Аз ин хотир зарур аст, ки ҳангоми ба сафар баромадан бо роҳҳои куҳӣ ва душворгузар воситаи нақлиёт бо воситаҳои зарўрӣ муҷҷаҳаз гардонида шуда, мусофирон бо худ маводҳои хўрока ва либоси гарм дошта бошанд, чунки дар ин гуна роҳҳо эҳтимолияти рух додани ҳолатҳои ғайричашмдошт имконпазир мебошад.