Мутобиқи моддаҳои 19 ва 20-и Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», баҳри иҷрои қарори Раиси вилояти Суғд аз 16-уми майи соли 2018, №190 «Дар бораи ташкили истироҳати тобистонаи кӯдакон ва наврасон дар соли 2018» ва барои дар сатҳи зарурӣ омада намудани иншоотҳои истироҳатӣ, солимгардонӣ ва ташкили истироҳати кӯдакон ва наврасон дар мавсими тобистонаи соли 2018 дар шаҳр

Қ А Р О Р    М Е К У Н А М:

1. Ҳайати ситоди шаҳрии «Тобистон-2018» тасдиқ карда шавад.

2. Барои гузаронидани истироҳати тобистонаи мактаббачагон дар заминаи мактабҳои таҳсилоти миёнаи умумӣ, истироҳатгоҳҳои рӯзонаи солимгардонӣ ва дар заминаи истироҳатгоҳҳои беруназшаҳрии фароғатӣ-таълимӣ истироҳати хонандагони болаёқат, ятиму бепарастор ва аз оилаҳои камбизоат ташкил карда шавад.

Санаи 1-уми июни соли равон дар боғи фароғатию фарҳангии ба номи Исмоили Сомонии шаҳр чорабинии умумишаҳрӣ бахшида ба Рӯзи ҳифзи кӯдакон ташкил ва гузаронида шуд, ки дар он муовини якуми раиси шаҳр А.Шарифзода ширкат варзида, табрики раиси шаҳрро ба ин санаба самъи ҳозирин расониданд.

Ба иттилои шаҳрвандон, махсусан падару модарон ва ҷавонон расонида мешавад, ки бино ба мактуби Ситод оид ба ҳолатҳои фавқулодда ва мудофиаи граҷдании вилоят дар ҳама мавсим дар мавзеъ-ҳои мамнуъ оббозӣ намудан манъ мебошад ва дар ин маврид дар шаҳри Истиқлол дар кӯли болои кӯчаи Бинокор ва кӯли даромадгоҳи маҳаллаи Табошари кӯҳна оббозӣ кардан қатъиян манъ аст.