Санаи 25-уми майи соли равон Раиси вилояти Суғд муҳтарам Раҷаббой Аҳмадзода бо сафари корӣ ба шаҳри Истиқлол ташриф оварданд. Сараввал раиси вилоят аз корхонаи металлургӣ дидан намуда, доир ба мавҷуд будани муаммоҳо дар самти фаъолияти корхонаи мазкур изҳори нигаронӣ карданд ва аз роҳбарияти корхона даъват ба амал оварданд, ки бояд дар вақтҳои наздик ин муаммо бартараф карда шуда, фаъолияти мунтазами корхона таъмин карда шавад. Қайд гардид, ки дар ин корхона бояд 600 нафар мутахассисони маҳаллӣ бо кор қабул карда шаванд ва ҳамзамон ҳайати роҳбарияти шаҳр ва Минтақаи саноати кӯҳии Тоҷикистону Хитой ҷиҳати оғози бунёди корхонаи мисбарорӣ кӯшиш ба харҷ намоянд.

Дастур дода шуд, ки ҳайати роҳбарияти корхонаи металлургӣ бояд барои бунёду мумфарш кардани роҳҳои дохили шаҳр, бунёди мактабу боғчаҳо ва дигар дастгириҳои иҷтимоӣ саҳми худро расонанд.

Рафти ин сафар як нафар сокини шаҳр оиди ҳалли муроҷиаташ ҷиҳати дастгирии моддӣ ва таъмин шуданаш бо ҷойи кори доимӣ миннатдории хешро ба Раиси вилоят баён намуд.

Санаи 28-уми майи соли равон дар толори мақомоти иҷроияи ҳокимияти давлатии шаҳр вохӯрии намояндаи ҳайати гурӯҳи кории Ҳукумати кишварамон сардори Саридораи геологияи назди Ҳукумати Ҷумҳурии Тоҷикистон Файзуллозода З.Қ. бо масъулини мақомоти иҷроияи ҳокимияти маҳаллӣ, сохторҳои ҳифзи ҳуқуқ, масъулини корхонаву муассиса ва ташкилотҳои шаҳр ва раисони кумитаи маҳаллаҳо баргузор гардид.

Якчанд муддат пеш панҷ нафар хонандагони муассиса-ҳои таълимии шаҳр дар олимпиадаи фосилавии байналми- лалӣ «Кенгуру математика» 2018, Сингапур”, ки дар байни 30 давлати дунё баргузор мегардид иштирок намуда буданд. Озмун дар Литсей барои хонандагони болаёқати шаҳри Хуҷанд баргузор гардид. Дар натиҷа бо соҳиб шудани 65 хол ҷойи 2 насиби хонандаи синфи 8-и МТМУ №6 Одилзода Ҳабибулло гардида, аз тарафи ташкилкунандагони ҳамин олимпиада бо медали нуқра ва сертификат сарфароз гардонида шуд.