Давоми якчанд рӯзи охир бозингарони дастаи мунтахаби шаҳр “Металлург” барои ширкати фаъолона дар мусобиқаи футболи вилоятӣ омодагӣ дида истодаанд. Ба иттилои мураббиёни даста айни замон сару либос ва тамоми маводҳои лозима барои тамрини футболбозон бо дастгирии мақомоти иҷроияи ҳокимияти давлатии шаҳр харидорӣ карда шуда, дастраси бозингарон мебошанд.

Даста дар мусобиқаи футболи вилоят фаъолона ширкат хоҳад кард. Ба пеш “Металлург”!

Мухбири “НИ”

Бо мақсади зебогардонии кӯчаҳои шаҳр ва дигар мавзеъҳо соли равон аз ҷониби КДФ “ХМК” зиёда аз 10 ҳазор бех гулҳои петуния ва салвия ва 50 ҳазор бех тухми гулҳои гуногун шинонида шуд.

Ҳамзамон зиёда аз 700 адад бех дарахти коҷ (сосна), 150 бех дарахти сарв (кипарис), 27 бех дарахти бурс (моҷҷевелник) ва 300 адад дарахтони мевадор ва 1800 бех дарахти сафедор дар шаҳр шинонида шуданд.

Ҳамчунин назди баъзе аз корхонаву муассисаҳо низ гулу дарахтон шинонида шудааст.

Барои зебо гардонидани мавзеи кор ва истиқомат шинонидани гулҳо ва дарахтони сояафкан зарур аст ва ин амал аз ҳисси зебоипарастии фаъолон ва сокинон дарак медиҳад.

Мухбири “НИ”

Бо мақсади беҳтар гардонидани шароити хизматрасонии тиббӣ ба аҳолӣ ва таъмири иншоотҳои тиббӣ боми бинои Маркази назорати давлатии санитарию эпидемиологии шаҳр бо харҷи беш аз 60 ҳазор сомонӣ аз буҷаи маҳаллӣ аз таъмири капиталӣ бароварда шуда, шиферпӯш карда шуд.