Дар Китобхонаи марказии назди бахши фарҳанги шаҳр бо иштироки намояндагони МИҲД- и шаҳр, намояндагони КДАМ ҶТ ва ШВКД ҶТ дар шаҳри Истиқлол, раиси КИ ҲХДТ дар шаҳр, зиёиёну адибон, раиси Шӯрои собиқадорони ҷангу меҳнат ва хонандагону омӯзгорон мизи мудаввар доир ба пешвози 33 солагии Истиқлолияти давлатии Ҷумҳурии Тоҷикистон баргузор гардид.

Дар ин чорабинӣ намояндагон доир ба аҳамият ва самари Истиқлолияти кишвар, ватандустиву хештаншиносӣ, саҳм барои таҳкими сулҳу субот, тарбияи насли наврас, пешгирии ҳар гуна амалҳои номатлуб дар байни ҷавонон, донишомузӣ, ҷалби ҷавонон ба китобхонӣ ва дигар масъалаҳои марбут ба таълиму тарбия суханронӣ намуда, фикру мулоҳизаҳои худро роҷеъ ба масъалаҳои дар боло қайдгардида иброз доштанд.

Дар охир ба якчанд фаъолони шаҳр Ифтихорномаҳо ва тӯҳфаҳо тақдим гардид.Сипас аз ҷониби директори Маркази тадқиқоти стратегии назди Президенти Ҷумҳурии Тоҷикистон Усмонзода Хайриддин Усмон Фармони Президенти Ҷумҳурии Тоҷикистон оид ба сарфароз гардонидани ду нафар собиқадорони меҳнат ба медали Хизмати шоиста қироат карда шуда дар вазъияти тантанавӣ ба онҳо тақдим карда шуд.

Ҳамзамон дар Қасри фарҳанги шаҳр чорабинии тантанавӣ бахшида ба ҷашни 33- солагии Истиқлолияти давлатии Ҷумҳурии Тоҷикистон ташкил гардид, ки дар он намояндаи Ҳукумати Ҷумҳурии Тоҷикистон, директори Маркази тадқиқоти стратегии назди Президенти Ҷумҳурии Тоҷикистон Усмонзода Хайриддин Усмон ва намояндаи Мақомоти иҷроияи ҳокимияти давлатии вилоят Озифхон Шарифзода ва Раиси шаҳри Истиқлол Қаюмҷон Маҳмудзода ширкат варзида сокинонро ба ин Иди Бузург табрик гуфтанд.

Инчунин растаҳои соҳаҳои гуногун низ ба маърази тамошо гузошта шуда буд.Бахшида ба 33-юмин солгарди Истиқлоли давлатии кишвари азизамон Тоҷикистон дар назди Қасри фарҳанги шаҳр растаҳои ҳунарҳои мардумӣ ташкил карда шуда намояндаи Ҳукумати Ҷумҳурии Тоҷикистон, директори Маркази тадқиқоти стратегии назди Президенти Ҷумҳурии Тоҷикистон Усмонзода Хайриддин Усмон ва намояндаи Мақомоти иҷроияи ҳокимияти давлатии вилояти Суғд Озифхон Шарифзода аз он дидан намуда, бо ҳайати ҳунармандон суҳбат намуданд.

Дар қисми ҳарбии 3501 Вазорати корҳои дохилии Ҷумҳурии Тоҷикистон дар шаҳри Истиқлол бахшида ба Рӯзи Истиқлолият чорабинии тантанавӣ доир гардид. Дар чорабинӣ Раиси шаҳри Истиқлол Қаюмҷон Маҳмудзода, директори Маркази тадқиқоти стратегии назди Президенти Ҷумҳурии Тоҷикистон Усмонзода Хайриддин Усмон ва намояндаи Мақомоти иҷроияи ҳокимияти давлатии вилояти Суғд Озифхон Шарифзода ширкат варзида, афсарону сарбозонро ба ин Иди бузург табрик гуфтанд.Сипас меҳмонон аз вазъи хизмат дар ин қисми низомӣ дидан намуданд. Ҳамзамон дастурхони идона ва барномаи консертӣ ташкил гардид.