Табрики Раиси шаҳри Истиқлол Худойназар Амонзода бахшида ба Иди сайиди Фитр
Ҳамшаҳриёни азиз!
Ҳамасола дар кишвари азизамон- Тоҷикистон баъди поён расидани моҳи шарифи Рамазон Иди сайиди Фитр таҷлил карда мешавад ва соли равон санаи 15-уми июн таҷлили ин ид рост омад. Аз ин рӯ, ба ин муносибат Шуморо ба Иди сайиди Фитр табрику муборакбод менамоям ва бароятон тансиҳативу хонаободӣ таманно дорам. Лозим ба қайд аст, ки Иди Рамазон чун дигар идҳои милливу давлатӣ ҳамасола таҷлил мегардад. Фарҳангу расму оини мо моҳи Рамазонро чун моҳи тоату ибодат, моҳи сахову хайр ва моҳи бахшиданиҳо қабул кардааст. Дигар ин ки дар ин моҳ бузургон гуфтаанд, ки бояд кинаву кудурат байни инсонҳо пош хӯрад ва барпо гардидани оштиву рафоқат байни одамони чандин вақт ба ҳам наомада боз яке аз фазилатҳои ин моҳи муборак мебошад.
Иштироки Президенти ҷумҳурии Тоҷикистон муҳтарам Эмомалӣ Раҳмон дар ҷаласаи Шӯрои сарони давлатҳои аъзои Созмони ҳамкории Шанхай
Санаи 10 июни соли 2018 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Ҷаласаи Шӯрои сарони давлатҳои аъзои Созмони Ҳамкории Шанхай дар шаҳри Чиндаои Ҷумҳурии Мардумии Чин иштирок ва суханронӣ карданд.
Ҷаласаи навбатии Шӯрои сарони давлатҳои аъзои Созмони Ҳамкории Шанхай ин навбат дар ҳайати 8 кишвари аъзо — Ҷумҳурии Тоҷикистон, Ҷумҳурии Ҳиндустон, Ҷумҳурии Мардумии Чин, ҷумҳуриҳои Қазоқистону Қирғизистон, Ҷумҳурии Исломии Покистон, Федератсияи Россия ва Ҷумҳурии Ӯзбекистон баргузор шуд.
Ситоди кории «Кӯкнор-2018» дар шаҳр баргузор гашт
Санаи 8-уми июни соли равон ҷаласаи навбатии ситоди кории «Кӯкнор-2018» дар шаҳр баргузор гардид. Дар маҷлис роҳбари ситод, муовини якуми Раиси шаҳр А.Шарифзода ва дигар аъзоёни ситод иштирок намуданд.
Сараввар А.Шарифзода аъзоёни ситодро ба қарори раиси шаҳр «Дар бораи гузаронидани амалиёти “Кӯкнор-2018” дар шаҳри Истиқлол”, ки аз санаи 30-юми майи соли 2018, таҳти №126 ба тавсиб расидааст шинос намуда, аъзоёни ситоди мазкурро дастур дод то дар муҳлатҳои муайян бояд корҳои амалӣ, тарғиботӣ ва фаҳмонидадиҳиро бар зидди нашъамандию муомилоти маводи мухаддир ва дигар чорабиниҳо дар тамоми қишрҳои ҷомеа ташкил ва гузаронида шавад. Ҳамчунин аз котиби ситод талаб карда шуд, ки нақшаи чорабиниҳо оиди иҷрои қарорро таҳия намуда, дастраси аъзоён гардонад.
