Санаи 1-уми июни соли равон дар боғи фароғатию фарҳангии ба номи Исмоили Сомонии шаҳр чорабинии умумишаҳрӣ бахшида ба Рӯзи ҳифзи кӯдакон ташкил ва гузаронида шуд, ки дар он муовини якуми раиси шаҳр А.Шарифзода ширкат варзида, табрики раиси шаҳрро ба ин санаба самъи ҳозирин расониданд.

Ба иттилои шаҳрвандон, махсусан падару модарон ва ҷавонон расонида мешавад, ки бино ба мактуби Ситод оид ба ҳолатҳои фавқулодда ва мудофиаи граҷдании вилоят дар ҳама мавсим дар мавзеъ-ҳои мамнуъ оббозӣ намудан манъ мебошад ва дар ин маврид дар шаҳри Истиқлол дар кӯли болои кӯчаи Бинокор ва кӯли даромадгоҳи маҳаллаи Табошари кӯҳна оббозӣ кардан қатъиян манъ аст.

Ҳафтаи сипаригардида дар майдони футболи Маҷмааи варзишии шаҳр мусобиқаи футбол байни дастаҳои мунтахаби шаҳри Истиқлол “Металлург” ва ноҳияи Ҷаббор Расулов “Пахтакор” баргузор гардид ва дар натиҷа “Металлург” 4 голро ба дарвозаи ҳарифи худ ворид кард. Лозим ба қайд аст, ки бозингарони дастаи “Металлург” дар мусобиқаҳои Лигаи футболи Тоҷикистон байни дастаҳои Лигаи дуюм, минтақаи Суғд-2018 фаъолона ширкат доранд.