Санаи 8-уми майи соли равон дар Маҷмааи варзишии шаҳр дар майдони футбол бозии якуми дастаи мунтахаби шаҳри Истиқлол “Металлург” дар майдони маҳаллӣ ташкил ва гузаронида шуд. Дар ин мусобиқа Раиси шаҳри Истиқлол Худойназар Амонзода ширкат варзида баромад карданд.

Таъкид гардид, ки футбол ва оммавияти он дар шаҳр дар ҷодаи тарбияи наслҳои солим ва ватандӯст мақоми барҷаста мебозад ва минбаъд барои эҳё сохтани шаъну шӯҳрати собиқаи футболи шаҳр, ки замоне шуҳрати беандозае дошт дастаи мунтахаби футболи шаҳр ва мураббиён кӯшиш ба харҷ диҳанд ва барои ба камол расонидани наврасони қавируҳу солим ва футболбозони касбӣ аз тамоми имконот истифода намоянд.

Имрӯзҳо таҳти сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дастгирии иҷтимоии оилаҳои камбизоат мавриди таваҷҷуҳи ҳамешагӣ қарор дорад. Ва бо ин мақсад Қонуни Ҷумҳурии Тоҷикистон “Дар бораи кӯмакҳои унвонии иҷтимоӣ” ба тавсиб расидааст. Ва аз 1-уми июли соли ҷорӣ низоми нави кӯмакҳои унвонии иҷтимоӣ дар шаҳри Истиқлол чун дигар 48 шаҳру навоҳии кишвар роҳандозӣ мегардад.

Бо мақсади иҷрои дастуру супоришҳои Пешвои миллат муҳтарам Эмомалӣ Раҳмон дар самти беҳтар гардонидани шароити хизматрасонии тиббӣ ба аҳолӣ айни замон бо дастгирии мақомоти иҷроияи ҳокимияти давлатии шаҳр бо харҷи беш аз 140 ҳазор сомонӣ шуъбаи амрози занонаи Беморхонаи марказии шаҳр аз таъмири куллӣ бароварда шуда истодааст. То ҳол аз 40 ҳуҷра қисми зиёдаш аз таъмир бароварда шуда, хати об навсозӣ шудааст. Роҳравҳо низ таъмир шуда истодаанд. Иҷрои корҳои азнавсозӣ ва умуман таъмирӣ аз ҷониби ҶДММ “Асри Табошар” ба роҳ монда шуда истодааст.