Штрихи к портрету Мухиддина Кабири

"Скажи мне кто твой друг, и я скажу кто есть ты"
Русская народная пословица

Штрих 1 - Саидюнуси Истаравшани

Аз он ифтихор дорем, ки соҳибватанем ва дар фазои ин ватани азизамон-Тоҷикистон сулҳу суботи комил ҳукмфармост ва мо сокинон дар маҳалли осоиш иқомат ва ибодат менамоем, ки шукргузорӣ аз ин ҳама ҳам қарзу ҳам фарз аст. Лозим ба қайд аст, ки шукрона дар кишварамон тамоми рукнҳои дини мубини Ислом риоя гардида, давлату Ҳукумати кишвар бо роҳбарии Пешвои миллат муҳтарам Эмомалӣ Раҳмон ба фарҳанги динии мардум аҳамияти аввалиндараҷа медиҳанд. Масалан солона ба зиёрати Хонаи Худо рафтани 6 ҳазор нафар шаҳрвандон, таҷлили Иди Қурбон ва Рамазон ҳамчун ҷашни давлатӣ, ба нашр расидан ва ройгон тақдим намудани якчанд номгӯйи китобҳои динӣ, фаъолияти муассисаи таҳсилоти олии динӣ ва ғайра аз он дарак медиҳад. Аз ин ҳама ҳар фарди бедордил бояд хулоса барорад ва барои тинҷиву осудагӣ дар кишвар талош варзад.

Имрӯзҳо дар ҷаҳон яке аз муаммои асосӣ ин терроризм ва экстремизм боқӣ мемонад, ва фаъолияти террористиву экстремистӣ ва муборизаи гурӯҳҳои тахрибкор дар тули якчанд солҳои охир ба таври шадид ба амал омад, ки хисороти ҷониву молӣ дар баъзе мамолики шарқ ба таври куллӣ ба қайд гирифта шудааст. Ҳамчунин амалҳои террористӣ то ҳатто дар баъзе мамолики мутараққӣ низ роҳандозӣ гардида, қурбониён бар асари ҳамлаҳои террористӣ ба садҳо ҳазор нафар расидааст. Тавре Пешвои миллат муҳтарам Эмомалӣ Раҳмон дар суханрониашон дар маросими ифтитоҳи Конфронси байналмилалии сатҳи баланд дар мавзӯи “Муқовимат бо терроризм ва ифротгароии хушунатомез”, ӣки санаи 4-уми майи соли равон дар шаҳри Душанбе баргузор гардид қайд карданд, ки “Зарари ба иқтисодиёти кишварҳо расонидашуда садҳо миллиард долларро ташкил медиҳад. Танҳо дар қаламрави Афғонистон соли гузашта бар асари ҷангу амалҳои террористӣ беш аз 10 ҳазор нафар аҳолии осоишта зарар дида, тақрибан 4 ҳазор нафар қурбон шудаанд. Сию ду фоизи қурбониён ва 53 фоизи маҷрӯҳонро занону кӯдакон ташкил додаанд.”